페이지:Weolinseokbo Vol. 25.djvu/60

져〯그니〮 어딋〮던〮 차〮 도ᄅᆞ리〮오〮 그ᄢᅴ〮 부톄〯 龍^료ᇰᄋᆡ〮 疑^ᅌᅴᆼ心^심ᄋᆞᆯ〮 아〯ᄅᆞ〮시고〮 龍^료ᇰ王^ᅌᅪᇰᄃᆞ려〮 니ᄅᆞ샤〮ᄃᆡ〮 비록〮 三^삼千^쳔大^땡〮千^쳔世^솅〮界^갱〮예〮 잇ᄂᆞᆫ 사〯ᄅᆞᄆᆡ〮게 各^각〮各^각〮 如^ᅀᅧᆼ來^ᄅᆡᆼㅅ 皂^쪼ᇢ〯衣^ᅙᅴᆼᄅᆞᆯ〮 ᄂᆞᆫ호〮아 주〮어도〮 乃^냉〯終^쥬ᇰ내〯 다ᄋᆞ디〮 아니〮ᄒᆞ리〮라〮 그ᄢᅴ〮 龍^료ᇰ이〮 無^뭉央^ᅙᅣᇰ 數^숭〮百^ᄇᆡᆨ〮 千^쳔萬^먼〮 그테〮 ᄂᆞᆫ호〮아 주〮어도〮 그 오〮시〮 녜〯라온〮 ᄃᆞᆺ〮ᄒᆞ〮더라〮 부톄〯 니ᄅᆞ샤〮ᄃᆡ〮 如^ᅀᅧᆼ來^ᄅᆡᆼㅅ 옷〮 보니〮ᄂᆞᆫ〮 즉〮재 龍^료ᇰᄋᆡ〮 모〮ᄆᆞᆯ〮 버서〮 賢^ᅘᅧᆫ劫^겁〮中^듀ᇰ에〮 다〯 無^뭉着^땩〮ᄋᆞᆯ〮 得^득〮ᄒᆞ〮야〮 반ᄃᆞ〮기 般^반泥^녱洹^ᅘᅪᆫᄒᆞ리〮라〮 그ᄢᅴ〮 네〯 金^금翅^싱〮鳥^됴ᇢ〯王^ᅌᅪᇰ이〮 各^각〮各^각〮 千^쳔眷^권〮屬^쑉〮과〮 ᄒᆞᆫᄢᅴ〮 와〮 부텨ᄭᅴ〮 ᄉᆞᆯᄫᅩ〮