페이지:목우자수심결언해.djvu/59

^{업〯고〮모롬〮과〮아롬〮괘〮업〯스면〮凡뻠과〮聖셔ᇰ〮괘〮 업〯고〮凡뻠과〮聖셔ᇰ〮괘〮업〯스면〮染ᅀᅧᆷ〮과〮淨쪄ᇰ〮괘〮 업〯고〮染ᅀᅧᆷ〮과〮淨쪄ᇰ〮괘〮업〯스면〮是씽〯와〮非빙왜〮 업〯고〮是씽〯와〮非빙왜〮업〯스면〮一ᅙᅵᇙ〮切촁〮일훔〮 지허〮닐오〮ᄆᆞᆯ〮다〯得득〮디〮몯〯ᄒᆞ리〮니〮ᄒᆞ마〮다〯업〯 서〮이〮런一ᅙᅵᇙ〮切촁〮根ᄀᆞᆫ과〮境겨ᇰ〯과〮一ᅙᅵᇙ〮切촁〮 妄마ᇰ〮念념〮과〮種죠ᇰ〯種죠ᇰ〯앳〮相샤ᇰ〮皃모ᇢ〮와〮種죠ᇰ〯 種죠ᇰ〯앳〮일훔〮지허〮닐오〮ᄆᆞᆯ〮다〯得득〮디〮몯〯ᄒᆞ리〮 니〮이〮엇〯뎨本본〯來ᄅᆡᆼ空코ᇰ寂쪅〮ᄒᆞ며〮本본〯來 ᄅᆡᆼ物무ᇙ〮업〯숨아니〮리오〮그러〮나諸졍法법〮다〯 空코ᇰᄒᆞᆫ고대〮靈려ᇰ知딩ㅣ어듭〮디〮아니〮호〮미 無뭉情쪄ᇰ과〮ᄀᆞᆮ〮디〮아니〮ᄒᆞ〮야〮性셔ᇰ〮이〮제〯神씬 竒끵히〮아〯ᄂᆞ니〮이〮너의〮空코ᇰ寂쪅〮靈려ᇰ知딩 ᄒᆞ〮ᄂᆞᆫ淸쳐ᇰ淨쪄ᇰ〮ᄒᆞᆫ心심体톙〯니〮이〮淸쳐ᇰ淨쪄ᇰ〮 空코ᇰ寂쪅〮ᄒᆞᆫᄆᆞᅀᆞ미〮이〮三삼世솅〮諸졍佛뿌ᇙ〮 ㅅᄀᆞ재〮조〮ᄒᆞᆫᄇᆞᆯᄀᆞᆫ〮ᄆᆞᅀᆞ미〮시며〮ᄯᅩ〮이〮衆쥬ᇰ〮生 ᄉᆡᇰᄋᆡ〮本본〯來ᄅᆡᆼㅅ根ᄀᆞᆫ源ᅌᅯᆫ엣〮아〯ᄂᆞᆫ性셔ᇰ〮이〮 니〮이〮ᄅᆞᆯ〮아라〮가졧〮ᄂᆞ닌〮一ᅙᅵᇙ〮如ᅀᅧᆼ에〮안자〮뮈〯}