이 페이지는 아직 교정을 보지 않았습니다
凡撞鍾是某面賊至北一南二東三西四如四面或二三面皆 賊則鍾聲不止
- 므릣 쇠붑을 티믄 이ᄂᆞᆫ 아모 면으로셔 도적이 온다 호미니 븍으로셔 오면 ᄒᆞᆫ 번 티고 남으로셔 오면 두 번 티고 동으로셔 오면 세 번 티고 셔로셔 오면 네 번 티고 만일 네 면이나 혹 두세 면으로셔 다 도적이 오면 붑소ᄅᆡᄅᆞᆯ 그티디 아니ᄒᆞᄂᆞ니라
明旗制 긔 졔도ᄅᆞᆯ ᄇᆞᆰ히미라
每一大營將官認旗以心坐本方以邊生旗色以帶應德把總 以心坐本方以邊應營將以帶應德哨官以心坐本方以邊應 把總以帶應營將旗總以心應本哨以邊應把總不用帶隊長 以色應旗總不用邊帶如有千總則把總以帶應營將以下照 此
- ᄆᆡ ᄒᆞᆫ 큰 영쟝슈의 인긔ᄂᆞᆫ ᄌᆞ의로ᄡᅥ 본방의 안티고 ᄀᆞᄋᆞ로ᄡᅥ 긔 빗ᄎᆞᆯ 내게 ᄒᆞ고 ᄃᆡ로ᄡᅥ 나라흘 응ᄒᆞ고 파총은 ᄌᆞ의로ᄡᅥ 본방의 안티고 ᄀᆞᄋᆞ로ᄡᅥ 영쟝을 응ᄒᆞ고 ᄃᆡ로ᄡᅥ 나라흘 응ᄒᆞ고 쵸관은 ᄌᆞ의로ᄡᅥ 본방의 안티고 ᄀᆞᄋᆞ로ᄡᅥ 파총을 응ᄒᆞ고 ᄃᆡ로ᄡᅥ 영쟝을 응ᄒᆞ고 긔총은 ᄌᆞ의로ᄡᅥ 본쵸ᄅᆞᆯ 응ᄒᆞ고 ᄀᆞᄋᆞ로ᄡᅥ 파총을 응ᄒᆞ고 ᄃᆡᄅᆞᆯ ᄡᅳ디 아니ᄒᆞ고 ᄃᆡ쟝은 빗ᄎᆞ로ᄡᅥ 긔총을 응ᄒᆞ고 ᄀᆞ와 ᄃᆡᄅᆞᆯ ᄡᅳ디 아니ᄒᆞᄂᆞ니라 만일 쳔춍이 이실딘대ᄂᆞᆫ 파총이 ᄃᆡ로ᄡᅥ 영쟝을 응호ᄃᆡ ᄡᅥ 아래ᄂᆞᆫ 이대로 ᄒᆞ라
明旗色 긔 빗ᄎᆞᆯ ᄇᆞᆰ히미라
黃旗屬中中營中軍所用但見黃旗卽知爲某中營某中軍也 在五營則爲五營之中在一營則爲一營之中少至五人則爲 五人之中紅旗屬前前營所用藍旗屬左左營所用白旗屬右 右營所用黑旗屬後後營所用但見某色旗卽知爲某營也在 五營則以營分方色在一營則以司分方色在一司則又以哨
